Bya Mugula Dan
Ekitongole eky’ebyomunsiko ekya Uganda Wildlife Authority, ng’ekolagana ne poliisi batandise okunoonyereza ku kyaviiriddeko Empologoma ssatu nga kigambibwa zaaweereddwa obutwa mu Queen Elizabeth National Park.
Empologoma zino wezaafiiridde waasangidwawo ennyama y’ente ng’eriko ebiteeberezebwa okuba obutwa ng’eri mu nsawo, ate ng’endala ejjiddwamu.
Kiteeberezebwa nti ennyama eno yeyakozeseddwa okutta Empologoma zino.
Mu kifo ky’ekimu wasangiddwawo ssapatu n’ejjambiya nga nabyo biteeberezebwa nti byakozeseddwa okutta empologoma.
Mu kiwandiiko aba uganda wildlife kyebafulumizza bategeezezza nti ssinga bano bakwatibwa, bakuvunaanirwa mu tteeka lya Uganda Wildlife Act (Chapter 315).