Bya Mugula Dan
Minister Omubeezi ow’Abavubuka n’Abaana, Hon Balaam Barugahara ayise omuyimbi omugole Rebecca Kukiriza (Chosen Becky) alabikeko mu office ye nga 23 omwezi guno abeeko byatangaaza ku kyamuviiriddeko okussa abaana mu ntalo za “love”.
Olunaku lweggulo nga 16 December , Omuyimbi Chosen Becky yakawangamudde bweyakwasizza abaana be ebipande nga biwandiikiddwako obubaka obwatabudde banna Uganda n’abalala nga bulumba obufumbo bweyavaamu, ekyogeddwako ennyo ng’ekinaakosa abaana bano nga bakuze.
Kati minisiter Balaam ayagala Becky lwanaagenda mu office ye, yeetonde mu lujjudde olw’okulwanyisa abaana entole ze, Mu buwandiike yeeyame obutaddira kukola kikolwa bwekityo ku baana n’ebirala.