Bya Mugula Dan
19/12/2025
Avuganya ku bwapulezideneti ku kkaadi ya Conservative Party (C.P), Elton Joseph Mabiriizi ayimirizza enteekateeka y’okunoonya akalulu nga agamba kasusse okubaamu ebirumira era kasaana kutereezebwa bwebaka kaakukubwa mu mazima n’obwenkanya. Mabiriizi era asabye kkooti eyimirize mbagirawo okulonda kwa 2026 nti ebikyamu ebikalimu bisooke birongoosebwe ng’olunaku lw’okulonda tekunnatuuka.
Mu birumira byayogeddeko mulimu amagye okwenyigira obutereevu mu nsonga z’okulonda, obuuma obukozesebwa okulondesa okuba nti bukyaliko ebibuuzo kwossa kyekubiira, nga wano anokoddeyo eky’ebipande bya Pulezidenti Museveni ebiri ku kisaawe ky’ennyonyi Entebbe kyokka nti nga ye yasaba ateekeyo ebibye nebamugaana.