Bya Mugula Dan
Pulezidenti Kaguta Museveni alabudde bannayuganda nti tebakemebwa nebagendera ku bigambo by’akwatidde NUP bendera mu kalulu k’obwapulezidenti, Kyagulanyi Ssentamu Robert nti “Omuwendo gw’Abakuumaddembe mutono nnyo ku gwa bannayuganda era nti basobola okukozesa omukisa ogwo okulwana nebakwata obuyinza”.
Museveni ategeezezza nti kino kituufu naye Omuserikale omu alina emmundu erimu amasasi 120 kale nga abantu basaana okubalamu ku masasi agayinza okubeera mu mmundu zonna nga tebannakola nsobi eneebasuula mu ntata.
Mungeri yemu Pulezidenti KagutaMuseveni azzeemu okulumiriza ab’oludda oluvuganya okumubba akalulu ka 2021 nga agamba baamubba obululu obuwera obukadde 2.7 mu Kampala. Museveni agamba bano baakubisa obululu obw’ebicupuli akakadde kalamba ku Nkurumah Road mu Kampala n’obulala akakadde kamu mu emitwalo nsanvu (1.7) okuva e Dubai. Okwogera bino Museveni abadde mu nsisinkano n’abamawulire e Kisozi mu Gomba mu kiro ekikeesezza olwaleero. Olowooza ki ku nsonga eno?