Bya Mugula Dan
Omukulembeze w’Ekibiina ki National Unity Platform Robert Kyagulanyi Ssentamu Bobi wine akiise embuga mu Bulange e Mengo, mwasisinkanidde Katikkito wa Buganda Charles Peter Mayiga n’Abakulembeze mu Bwakabaka abalala.
Kyagulanyi Ssentamu yesiimbyewo avuganya ku kifo kya president wa Uganda, mu kalulu ka 2026.
Robert Kyagulanyi Ssentamu atambudde naakulira Oludda oluvuganya government mu parliament Joel Ssenyonyi Besekezi, ayaniriziddwa abakulembeze ba NUP abalala.
Joel Ssenyonyi ategeezezza nti ng’abakulembeze mu NUP baakunyweeza ensonga ssemasonga Obwakabaka zebutaddeko essira, Omuli n’Okubanja ebintu bya Buganda okuva mu government eya wakati.
Joel Ssennyonyi avumiridde enkola y’Abaserikale mu ggye lya UPDF abalemesezza abakulembeze ba NUP okutuuka ku Mbuga Enkulu, naabasaba baleme kwesiba mu byabufuzi bakuume emirembe.