Bya Mugula Dan
Poliisi etandise okunoonyereza ku ttemu eryakoleddwa ku abadde aduumira Poliisi ye Ntawo e Mukono, Emma Bagenda ng’ono akubiddwa amasasi agamuttiddewo mu kiro ekikeesezza olwaleero. Mu kuwanyisiganya amasasi okubaddewo, waliwo n’omuserikale omulala asimattuse n’ebisago. Kiteeberezebwa nti obulumbaganyi buno bukoleddwa babbi
ASP Bagenda Emmanuel gwe basse
Ng’ayogerako n’ebanamawulire e Nguru omwogezi wa poliisi mugwanga Kitumwa Rusoke ategezezza nti mu kiro ekyakeeseza ku Sunday nga 23, November 2025, ku ssaawa nga 10:25 ez’kiro, ettemu lyabaddewo mu kasenge ka Ntawo, Mukono Central Division, Municipality ya Mukono.
ASP Bagenda Emmanuel, omuserikale avunaanyizibwa ku poliisi ye Ntawo, wamu n’omuserikale wa poliisi gweyabadde naye bakubidwa amasasi okugezako okukwata ababbi bano ,tebategedde nti bano babadde nga balina emmundu oluvannyuma ababbi bano banyaze emmundu ku bapoliisi ku kyalo Kiwala.
Bwe baagezezzaako okuyimiriza pikipiki eteeberezebwa, abaagibaddeko baakubye amasasi ASP Bagenda Emmanuel n’afa. ne balumya omuserikale wa poliisi naye yafunye ebisago kyokka n’awona n’atwalibwa mu ddwaaliro.
Kitumwa gambye nti abalumbaganyi bano era banyaze emmunddu ya AK 47 okuva ku baserikale ba poliisi.Era Poliisi egoberera abazigu bano okuvunaanibwa nga bamaze okukwatibwa