Bya Mugula Dan
Poliisi etangaazizza ku butambi obutambula ku mutimbagano nga bulaga abavubuka abenjawulo okuva mu Ghetto nga bambadde yunifoomu za Poliisi.
Okusinziira ku akwasaganya ensonga z’ebyobufuzi mu Poliisi, AIGP Ubaldo Bamunoba bano bayingiziddwa mu Poliisi okugiyambako mu kiseera ky’ebyokulonda nga baayise mu mitendera gyonna Omuserikale wa Poliisi gyayitamu ng’ensusula yaabwe teyabaddemu kusosola.
Wabula Ubaldo ategeezezza nti ku bano singa kubaako akwatibwa mu bumenyi bw’amateeka agenda kuvunaanibwa ng’amateeka agafuga abaserikale ba Poliisi bwegalagira.