Bya Mugula Dan
Omulamuzi wa kkooti enkulu mu Kampala, Alex Mackay Ajiji asindise Omuserikale w’eggye lya UPDF, Capt. Moses Akiba mu kkomera yebakeyo emyaka 27 kwossa Omuserikale wa poliisi Cpl Lawrence Muheki ng’ono amusibye emyaka 37 n’abantu babulijjo 5 oluvannyuma lw’okusingisibwa omusango gw’okutta eyali omusuubuzi omututumufu mu Rukungiri, Goddie Anobushoborozi.
Bwabadde awa ensala ye, Omulamuzi Ajiji ategeezezza nti buli omu ekibonerezo ekimuweereddwa kisinzidde ku ngeri gyeyeenyigira mu kukola ettemu lino.
Abalala 5 abasibiddwa kuliko; Frank Mugisha ng’ono asibiddwa emyaka 18, Rashid Kashaija asibiddwa emyaka 30, Hillary Muhumuza asibiddwa emyaka 35, Abed Mwesigwa emyaka 27 ne Rodney Rwakimari nga naye akaligiddwa emyaka 27.