Bya Mugula Dan
Ekibiina Kya UPC kisabye akakiiko k’ebyokulonda okuggyawo amagye ga UPDF n’ebitongole ebirala ebirina akakwate ku byokwerinda, kisobozese abantu okwetegeekera okulonda kwa bonna okwa 2026.
Arach Sharon Ayot
Nga ayogera eri bannamawulire ku kitebe ky’ekibiina kino ku Uganda House mu Kampala kulwo kusatu, Omwogezi wa UPC Arach Sharon Ayot agambye nti okusinziira ku byabaddewo gye buvuddeko mu Kawempe olw’okulonda n’ebirala olw’okulonda okwaliwo emabegako, amagye tegalina kwenyigira mu kulonda kwonna okujja.
“UPC ekubye omulanga gwayo nti amagye gaggyibwewo ddala mu nkola zaffe ez’okulonda era okulonda kulina kubamu poliisi yokka ng’omulimu gwayo omukulu kwe kukuuma amateeka n’obutebenkevu, nga waliwo emirimu egy’enjawulo egy’okulonda mu kulonda wansi w’obuyinza bw’akakiiko k’ebyokulonda aketongodde,” Arach bwe yagambye.
Arach yayongedde okutegeeza nti eby’okuyiga okuva mu Kawempe North olw’ebintu ebyabaawo mu kulonda biraga ekiyinza okubaawo mu kulonda kwa 2026, kyokka wabula alaga nti ne bwe kiba ki effujjo ki, kiyinza obutakyusa ebiliwo kati ky’abantu.
“Ebyabaawo mu kulonda kwa Kawempe North nga March 13, 2025, bikola ng’okulabula ku kulonda kwa 2026, era ebikolwa ng’ebyo birina okuggwaamu amaanyi ennyo. Eby’okuyiga ebizibu era ebikaawa ebiyigiddwa okuva mu kulonda kwa Kawempe biraga nti tewali muwendo gwa maanyi guyinza kukyusa kugonjoola bizibu ebiri mu kulonda.
Akulira ekibiina ky’amawulire n’empuliziganya mu kibiina kya UPC, Muzeyi Faizo, yakubye omulanga bonna abakwatibwako okukuuma emirembe n’okola emirimu gyabwe egy’emirembe nga balina mu birowoozo nti Uganda nsi ya bibiina bingi era demokulasiya alina okufuga.
“Tusaba bonna abakwatibwako okunywerera ku ngeri ya demokulasiya yokka n’emirembe ey’okukola emirimu gyaffe egy’ebyobufuzi, ate nga tulowooza nti Uganda nsi ya bibiina bingi. N’olwekyo, tewali muntu yenna alina kuyingirira nkola za kulonda nga bwe twetegekera 2025/2026,” Muzeyi bwe yagambye.
UPC okusaba okuggya amagye mu mitendera gy’okulonda kiddiridde abasajja abali mu nnyambala y’amagye okulabibwa ku katambi akafuula eri abawagizi b’ekibiina kya NUP nga bakubibwa mu ngeri ey’obukambwe, saako ne bannamawulire mu kulonda kwa Kawempe North okwakaggwa nga kwabaddewo nga March, 13, 2025, NUP’s Erias Luyimbazi Nalukoola we yawangulika.
Akakiiko keby’okulonda kalangirira Erias Luyimbazi owa NUP kubuwanguzi Faridah Nambi owa NRM yakwata kyakubiri.