Bya Mugula Dan
Akakiiko k’ebyokulonda kejjeerezza John Bosco Lubyayi Sseguya, avuganya ku ky’omubaka wa Parliament owa Mawokota South mu district y’e Mpigi.
John Bosco Lubyaayi Sseguya abadde ku bunkenke, era nga 15 December,2025 yayitibwa akakiiko okutwalayo ebiwandiiko byonna ebimukkiriza okwesimbawo bongere okubyekenneenya.
Waliwo omulonzi Asiimwe Mariam eyaddukira mu kakiiko k’ebyokulonda ng’alumiriza Lubyayi nti talina buyigirize bwa S.6, obwessalira obukkiriza omuntu okwesimbawo ku kifo ky’omubaka wa Parliament.
Ekiwandiiko ky’akakiiko k’ebyokulonda ekiteereddwako omukono gwa ssentebe waako Simon Mugenyi Byabakama, kiraze nti ebiwandiiko bya Lubyayi tebirina buzibu, era wakubeera ku kakonge akalonderwako, abavuganya ku kifo ky’omubaka wa parliament ekya Mawokota South mu kalulu ka bonna aka 2026.
Lubyayi eyesimbyewo bwannamunigina.
Lubyayi alumiriza omu ku baavuganya nabo nti y’amulima empindi ku mabega.