Bya Mugula Dan
Ekibiina ekitaba abaddukanya emikutu gy’ebyempuliziganya mu ggwanga ki National Broadcaster’s Association Nab kivumiridde effujjo eryakoleddwa ab’ebyokwerinda ku munnamawulire wa BBS Terefayina, Ivan Mbadhi bweyabadde akwata ebigenda mu maaso mu kampeyini z’akwatidde bendera ku bwa Pulezidenti, Robert Kyagulanyi Ssentamu eggulo mu disitulikiti ye Kween.
Mu kiwandiiko ekifulumiziddwa, abakulira NAB basabye ab’ebyokerinda okweyisa obulungi mu kalulu ate bamalire amaanyi mu kukuuma abantu babulijjo sso ssi kubatulugunya
Ate bannamawulire mu abeegattira mu kibiina kya Uganda Journalists Association balayidde okukuuka ejjembe okulwanirira eddembe lyabannaabwe abatuusibwako ebikolobero n’okutulugunyizibwa ab’ebyokwerinda nga bakola emirimu gyabwe.
Mu kiwandiiko abakulembe babannamawulire kyebafulumizza enkya ya leero, bavumiridde ejjoogo ly’abakuuma ddembe lyebakola ku bannamawulire songa nabo baba ku mulimu gwabwe gwebakola mu mateeka.
Bavumiridde ekyatuusiddwa ku muweereza munnaffe omukwasi w’ebifaananyi ku BBS Terefayina Mbaadi Ivan bweyabadde e Kwen mu kampeeyini za Hon Robert Kyagulanyi Ssentamu, bagambye nti baakulwana bwezizingirie, Mbaadi afune obwenkanya n’abalala bonna abatulugunyiziddwa mu biseera by’okunoonya obululu.