Bya Mugula Dan
Poliisi mu bitundu bye Rwizi ekutte Enock Atwebembire nga ateeberezebwa okutemula ow’oluganda lwe, Ninsiima Medius abadde omutuuze ku kyalo Kyonyo nu Ggombolola ye Mwizi mu disitulikiti ye Rwampara.
Ninsiima yatemulwa mu kiro ekyakeesezza olunaku lw’eggulo ng’omutemu yamugwikiriza okumpi n’ewuwe naamutemaatema oluvannyuma nadduka.
Atwebembire okukwatibwa kyaddiridde Poliisi okuleeta embwa zaayo ezikonga olusu zigiyambeko okuyigga omutemu, okukakkana nga zisibidde ku ye era ng’ono zaamulondobye mu bantu abangi beyabaddemu ku lukungaana olumu.
Ebyakazuulwawo biraga nti ono olumu yasangibwako nga yekukumye wansi w’ekitanda ky’omugenzi era nga kw’olwo yasangibwa n’ejjambiya.